شربل الكل قد الكل..
وصلت رسالتك جواباً على المعايده. بعتنالك جواب انا وطوني.
اسبوع العيد كنا بعين كفاع، الطقس عنا اليوم بكانون، حار مثل طقس السياسة. لكن طقس الطبيعة بدفّي. أما طقس السياسة "بيـ ..." وفهمك كفاية.
هالوطن اللّي حبّيتو صاير مغارة علي بابا وكل شي باباوات تافهة.
عندي كتاب مسبّات للسياسيين. ما بعرف اذا بطبعو قريباً. كيف حال صحتك وصحة كل بيت البعيني؟
انشاالله قضيتك قربت تنحلّ مثل ما انت بدك.
نحنا بها لوطن بدنا نضل عا وطنيتنا وايمان جدودنا مهما صار.
وبدنا نعمل بقول المتل: الحجر مطرحو قنطار . بدنا نضل نكافح تا نرد لبنان الأصالة والجمال نحنا وياك.
ما خبرتني شي عن كتاباتك؟ هل ما زلت تعطي دروس عند الراهبات؟
انت بتضل انت.. سنديانة ما بتهزك العواصف. ومارشربل سميّك دايماً معك.
جبيل 24/1/2011
**
